譚俊彥三代同堂 下廚餵飽家人

視帝譚俊彥去年奪獎後即北上拍內地劇，於內地逗留半年，返港後再拍一部電影，為虎年工作畫上完美句號。忙完一整年的他，趁農曆新年停下腳步陪伴家人，他受訪時透露回想去年的年卅晚及大年初一，均於酒店隔離孤單度過：「雖然去年冇家人喺身邊，但都好感恩有好多唔同地方演出嘅機會，今年當然好開心，因為可以三代同堂，我煮好多嘢食畀屋企人食，我會去街市買材料煮蝦、煮獅子頭，同埋一啲賀年嘅食品，但係自己就要Keep住每日去跑步同埋Keep Fit，因為假期好容易一放鬆落嚟就增磅。」更指新年前舉家大掃除，還與一對子女寫揮春，為屋企增添新年氣氛。而經營西餐廳的他，經過3年疫情後，生意漸露曙光，預告餐廳將搬到港島區繼續經營，望新環境能再次刺激生意額。