歌影雙飛 裸跑賀歲 張敬軒執定行李 倫敦騷加場

張敬軒早前宣布3月將到倫敦舉行演唱會，是繼羅文、容祖兒及陳奕迅後，第四位登陸Royal Albert Hall的香港歌手，兩場門票早前預售已經秒殺，前日香港時間5時開售，15分鐘已被搶購一空，網上更有人將千多元一張的門券，炒高三、四倍。在歌迷熱烈要求下，主辦單位努力爭取，與場地協調，終宣布加開3月18日一場，門票今日公開發售。

首次巡唱到倫敦的軒仔得知反應熱烈，開心地感謝大家支持，他很期待跟英國的朋友見面，並說：「特別為呢個旅程訂製咗一個全新嘅音樂盛宴，將20年來嘅金曲全部放晒入行李箱，無論視覺或聽覺，希望帶畀大家一個極級享受。」

而軒仔主演的英皇賀歲電影《超神經械劫案下》明日公映，他在片中與魏浚笙、白只在稻田裏的忘情裸跑戲，最惹人熱議，軒仔昨日在社交網上載幕後花絮相，並幽默地說：「我諗我算係有自信，竟然夠膽喺呢條『沐契』（魏浚笙）隔籬除衫！」又搞笑為「影響市容」而道歉。

軒仔在鏡頭前無遮無掩，大感尷尬，他自爆：「拍之前我哋有討論過使唔使自己出錢做CG（修飾身材）？後來都係肉赤，冇叫電影公司做CG。依家我極度懷疑魏浚笙自掏腰包，用CG整啲肌肉出嚟！」魏浚笙則指這場戲是他人生最大尺度的演出，白只則笑言零尷尬：「嚴格嚟講我唔係全裸，兩肩仲有條皮草毛毛，算係有啲安全感，係奔跑時我啲脂肪『戥戥吓』，破壞美感！」