《大宇宙》：憶演藝奮鬥史 黎諾懿盡力幸福 身家不強求

入行21年的黎諾懿近年兼任幕後，與資深前輩陶大宇惺惺相惜，雙方雖然未曾合作，但近年透過朋友飯局深入認識，此後不時聯誼。在大宇眼中，諾懿是一位公認的好爸爸，職場上則是節目監製及飲食集團顧問，可謂百足咁多爪！

如今能夠迎來事業的春天，其實諾懿亦經歷過不少，他當年報讀無綫第18期訓練班，經過半年訓練後就投入拍攝，初時多數被安排演閒角或死屍，更要忍受被人踐踏身軀的痛楚，稍有郁動就要NG，而且夏天拍攝時周身汗臭，即使戲服有異味亦只能頂硬上，笑指當時有一刻拍到懷疑人生，擔心演藝生涯僅限於此。

雖然一度有幸在劇集演男主角，但未幾工作又突然歸零，他坦言為縮減開支，惟有選擇住劏房：「真係冇咩嘢做，咁不如喺屋租度慳番少少。不過我就算幾辛苦，都係冇爭過人哋一蚊，亦冇問過人借錢。」後來為了脫貧，他決定隻身赴內地參加節目《舞動奇迹3》，期間經歷斷骨及裂骨等意外，最終憑着零舞蹈經驗贏得冠軍，算是他當時事業上的最大成就。

家庭方面，諾懿與前港姐李潔瑩結婚9年，先後誕下兩子，雖然外間經常把他與太太的富裕家境作比較，但他未有介懷：「解釋都冇意思，太太係陪我行到最尾嘅人，我盡能力畀幸福佢，但係我從來唔會追趕佢啲身家。」