譚旻萱賣甩男友出走 Hillary恨組情侶檔 一舉三得

Hillary的男友洪卓立早前到內地巡唱，2人分隔兩地多月，原來他已返港，並立即陪女友飛到日本旅行補數，Hillary在網上分享多張在當地的蜜照放閃。Hillary受訪時指日本是他們的相識地，此行可順道慶祝拍拖周年：「我哋好自然拍拖，都唔記得幾多周年。」她指新年願望是工作上與男友組成情侶檔：「如果可以一齊做嘢搵錢，一齊返工放工，感情又增進，一舉三得！」她指拍拖以來幾乎日日見，但不擔心與男友有拗撬。而Mandy也想去日本旅行，不過就無意與男友同行，想嘗試一個人出遊。她表示去年有很大突破，由不愛跑步變成日日長跑，而今年希望在唱歌跳舞方面下苦功，做全方位藝人。

提到洗邋遢的傳統，Hillary笑言是時候將前男友送的禮物斷捨離，又指平日要照顧家中4隻愛犬和2隻貓，日日做「剷屎官」已相當忙碌。Mandy則定期整理衣櫃，會將舊衣當成抹地布，用到盡才丟掉。