朱智賢着肚兜床戰

藝人薛家燕及朱智賢（朱朱）等主演的無綫賀歲劇《黃金萬両》即將推出，台前幕後昨日到大埔林村擲寶牒，祈求兔年行大運。朱朱談到首演古裝即表現雀躍：「完咗我入行其中一個願望！但係夏天拍古裝過程辛苦，拍到差啲中暑，啲戲服全部濕晒，要食飯時除出嚟晾乾！」她又自爆劇中有床上戲：「着肚兜拍，不過有加件披肩嘅，演我老公嘅黃子恆都裸露上半身，不過係做針灸。（新年會去男友謝東閔屋企拜年？）周圍去，有利是嘅地方就去，亦會準備禮物。」