陳自瑤等收爐 同王浩信團年

Yoyo受訪時提及角色被封「神級八婆」，大方笑說：「演八婆演到神級都好勁，唔敢當，最多都係八婆仔啫！好開心大家鍾意，可能角色好有新鮮感同啱我演。（同你性格相近？）識我嘅人都知完全唔一樣，真係演技嚟㗎！」農曆新年將至，她說：「差唔多收爐，都係同屋企人食吓飯、拜吓年。（老公王浩信去咗內地成年？）佢返咗嚟，都會團年，佢好耐冇見過小朋友。（佢讚你演八婆演得好出色。）要問番佢，佢冇同我講過。」

吳偉豪被問到爸爸吳大強成功「留守」《中年好聲音》，他戥對方自豪：「佢依家比我更受歡迎，希望順住個勢贏埋個比賽。」陳庭欣則自爆接了不少春茗司儀工作：「可以再多啲，我仲有好多期㗎！（過肥年？）全部都係新年後，諗緊去維園行花市。」