電影煞科 鬆一口氣 陳法拉頻撲返美 教女𢭃利是

陳法拉與王丹妮昨日在尖沙咀出席品牌活動，近期來港拍攝電影《贖夢》的法拉昨晨已經完成工作，下午出活動後晚上便飛返美國與家人共度農曆新年。拍完通宵戲仍精神奕奕的她笑說：「係精神…病呀，場場戲都好沉重，終於可以抽離角色輕鬆啲。」至於何時再來港拍戲就要看劇本，希望演出角色不要重複。

身為媽媽的法拉指有10多日沒有與女兒見面，牽腸掛肚，已經買了賀年糖果準備與父母一起過年，她說：「都有教佢拜年𢭃利是。」講到楊紫瓊奪得金球獎「影后」，她認為是對在荷里活發展的華裔演員有很大的鼓舞作用：「有恭喜佢，真係好難得，華裔喺荷里活好多時要做一啲行行企企嘅角色，講英文又要奇怪地有亞洲口音，佢可以做到女主角係好大嘅進步，亞洲面孔喺荷里活都可以收得，市場慢慢打開緊。」

王丹妮透露將與老公及女兒到日本「快閃」旅行，隨後又要分隔兩地，老公返澳洲繼續讀書，講到與老公半年才見一次可習慣？她說：「都OK嘅，我哋成日都會短訊同視像聯絡，雖然個實體唔喺隔籬，但係個精神都喺度，大家會互相鼓勵對方。」她透露之後會推出一首有意義的歌曲，但主力還是當演員，無意闖樂壇。