與雲浩影開心Share土匪雞翼欣宜備戰個唱 Keep Fit「舞」得頂！

正忙於籌備3月舉行演唱會的歌手鄭欣宜，昨日亮相譚仔活動時事業線消失，透露為跳舞Keep Fit連胸部也縮水，而師妹雲浩影則無懼減磅令胸部跌Cup，還笑指胸部細小會感覺較高尚。

譚仔雲南米線（譚仔）繼2年前舉行慈善活動後，最近再下一城，以「姐姐」另一諧音「車車」，聯同本地插畫師及著名模型車製造商合作，推出兩款迷你鋁合金模型車「譚仔車車」，並邀請了12位本地插畫師設計出12幅《譚仔話．譚仔畫》，更製作成慈善月曆及義賣，分別為HER Fund婦女動力基金及協康會籌款，而鄭欣宜與雲浩影（Cloud）昨日特別出席「譚仔車車．譚仔畫慈善藝術展覽」揭幕禮。

原來兩人乃米線超級粉絲，正準備3月演唱會的欣宜，笑指為保持身形，會暫時把米線底換成菜底，問到可獲贊助食米線？她說：「我想呀，頭先CEO話會贊助我食土匪雞翼，係Special for me，因為係桶裝，我一個人食唔晒，所以會同Cloud Share。」談到演唱會籌備進度，她直言近2年也不介意減肥與否，只在乎健康及身形弗：「因為上次個騷，大家畀我嘅反應係想我繼續跳舞，咁要狀態好先跳到，今年都36歲，所以要畀自己弗啲。（新年咪要戒口？）我留咗Quota畀自己年初一食幾件蘿蔔糕。」

買黃色內衣旺夫

不過對於演唱會內容，欣宜卻大賣關子，至於會否有性感造型？她說：「我不嬲都冇乜挑戰性感，今日都係iPad板。（瘦咗連個胸細咗？）一定係，冇乜所謂。（細咗幾多Cup？）唔講，怕醜！（啲Bra都要換晒？）梗係要買過晒，新年都要換啦！我今年買黃色，因為女性喺新年買黃色內衣係會旺夫。（男友有冇所謂？）我所有Friend都冇所謂，佢哋係鍾意我嘅內涵。（許廷鏗話同你只係煙幕？）我哋係真愛，佢未知啫！總有一日佢會醒，未感動到佢，做緊嘢，未真正解鎖。」

Cloud對於減肥連帶胸部會縮水，笑指一切隨緣：「各有各靚，細啲感覺高級啲，背脊都冇咁厚。」談到2023年目標，她表示計劃繼續創作新歌之餘，寄望能夠舉行迷你音樂會，日內更將聯同馮允謙舉行首次簽唱會，現時心情緊張。