客串監製一呼百應黎諾懿碌人情卡搵「魔音始祖」聲援

黎諾懿為監製的節目碌盡人情卡，請來兩位視后胡定欣與李佳芯獻唱，當中李佳芯有「魔音始祖」稱號，但他揚言冇有怕，不用對方試音！

黎諾懿、賴慰玲、蔣家旻、李芷晴與梁超怡等，昨日在荃灣出席籌款節目《慈善星輝仁濟夜》記者會，今次是黎諾懿第5度擔任監製，但首次做現場節目壓力較大。他表示與過往的籌款節目不同，會將短劇《仁濟心》變成舞台劇在節目中演出，為此特意邀請演藝學院出身的賴慰玲擔任導演，戴祖儀、李芷晴與關楓馨等則創作劇本。

他又碌盡人情卡請來兩大「愛人」李佳芯與胡定欣演唱，笑說：「兩大視后，真係好難請到，碌人情卡請佢哋唱歌，佢哋唱得嘅，個演出亦好特別。」問會否要「魔音始祖」李佳芯先試音？他笑說：「我都係魔音，唔敢話人哋，對佢有信心。」

賴慰玲執導舞台劇

坐鎮舞台劇環節的賴慰玲坦言複雜，但沒想像中困難，又讚負責創作的戴祖儀及李芷晴等相當稱職：「我哋有咩問題就撻黎諾懿出嚟，就算有啲奇怪構思，佢都好支持！」出爐「最佳女配角」蔣家旻中學時演過舞台劇，相隔多年再演出心情緊張。問到若蔣家旻演出欠佳會否照鬧？賴慰玲笑說：「佢唔會演得唔好，雖然只係8分鐘，但都預咗4日時間排戲。」又表示無意做監製，覺得要兼顧太多，但有興趣開演戲班做導師，蔣家旻即說：「如果佢開班，我同張振朗第一時間報名！」