陳奕迅拍MV又喊又笑

陳奕迅新歌《盲婚啞嫁》再次找來蔡思韵拍MV，他覺得對方長大不少，做戲更自然及有味道：「因為合作過，所以冇陌生感覺，我覺得大家都做得好好，係我一個演得唔夠好。」MV中又喊又笑，投入角色的他流出真眼淚，他說：「講演技真係仲有好多嘢要學，有好大進步空間。」歌曲還會推出15分鐘劇場版，十足微電影，他說：「都係導演嘅構思，反正都拍一個故事，不如拍多個劇場版，所以拍咗兩日，都算長時間，但好開心、好有滿足感。」