蘇皓兒踩單車遊日 唔怕雙腳變粗

「長腿女神」蘇皓兒早前孖陳安立拍攝ViuTV節目《單車踩爆日本》，首次拍旅遊節目的她表示興奮：「做旅遊節目好多嘢都冇得準備，要即場發揮，好考隨機應變同執生能力。」此行她初嘗「單車自駕遊」滋味，事前特別接受負重及體能訓練，最難忘冒雨踩單車：「又凍又濕，啲雨打埋嚟，眼都睜唔開，又第一次喺公路、山路度踩，好考驗體力同膽量。有時候經過隧道，啲大貨車喺身邊，感覺好刺激。」