搵安志杰取經 陳家樂有心有力 豪言生10個

英皇電影《衝鋒》昨日於尖沙咀封街進行開鏡儀式及拍攝槍戰場面，英皇集團主席楊受成、導演吳家偉及演員方中信、安志杰、張繼聰、陳家樂及馬思惠等誠心拜神，祈求拍攝順利。

飾演警察的家樂笑言與安志杰的對打戲比開槍戲更多：「心諗邊度夠佢打？好在武指排得好。」問到何時辦喜事？他指全權交未婚妻連詩雅處理：「搵咗師傅擇日，會喺上半年，估唔到結婚有咁多嘢搞，好在有未婚妻幫手。」又指初期籌辦婚禮沒給意見，幸得張繼聰及岑珈其提醒，才知沒主見會令另一半不滿：「佢哋話女人問三條問題，你兩條冇意見一條要有意見，比例係3比1。」

問到會否向已為人父的安志杰取經生B？家樂笑言會，並希望趁年輕多生幾個：「十個八個都冇所謂，當然要睇能力。」安志杰即表示有小朋友的家庭很開心，希望能再添新成員。逾3年未有在港拍戲的他，指疫情期間於美國學習使用槍械，故拍槍戰戲時效果逼真，家樂即讚他有姿勢有實際。

至於方中信很開心在港拍戲，因可陪家人度歲，又指農曆新年有4日假期，雖然已通關，但想專心完成電影，之後才到上海探朋友。