JW肉彈上身 驚爆紅地氈 胡定欣陳曉華「劈胸」撞到應

紅地氈爆「胸戰」，花旦各出奇謀搶Fo，陳曉華（Hera）與胡定欣的「劈刀」裝剪裁獨特，Hera的黑色長裙胸前斜角鏤空，她說：「中間被劈嗰一刀原本再闊啲，但叫咗設計師加珠片遮一遮，唔好太性感。」她指為了穿着這件晚裝，連續3日每天只食一餐。而胡定欣的裙雖似撞款，但更性感更誘人，裙身分別在心口、腰間及大髀位置被開三刀，她稱未有留意跟Hera撞款：「陳山聰係我服裝顧問，我畀咗幾條裙佢揀，最後佢揀咗呢條。」

另外，陳庭欣非常搏命，以大露背兼高衩上陣，Deep V更開到落肚臍，她強調做足安全措施，不膽心走光，事前亦未有讓男友過目。而J2真人騷《港女野人》四位主持陳若思、何泳芍、廖慧儀及胡美貽可謂青出於藍，谷心形胸一字排開，其中何泳芍穿着銀色Tube Dress，身材Big爆，她笑說：「如果今晚攞獎，之後大家就着到咁性感去行山答謝觀眾！」王敏奕則「留前鬥後」，穿了一條粉藍色露背紗裙，甚有公主Feel。

至於JW穿上吊帶紅色超低胸A字裙谷出湯碗胸，肉感有餘但被指似足大肚裝，她說：「本來都唔敢着，但諗諗吓又覺得好靚，趁青春乜都試吓。」昨晚最佳衣着獎分別由胡定欣、Hera及陳山聰奪得。