馬國明做「老襯」 舊愛送祝福

馬國明笑言到場時，每個人都向他恭賀，問到婚期？他說：「未決定，交畀靚湯（未婚妻湯洛雯）搞，我全力配合，通常男仔冇乜所謂，最緊要係個女仔鍾意。（鄭嘉穎叫你有仔趁嫩生？）係呀，你同佢講覆我訊息先。」講到求婚過程，他堅拒透露：「容許我哋留少少秘密畀自己，唔係個個都係伍仲衡（音樂人），佢公開求婚，唱埋歌都唔緊要，仲要作歌畀個女仔，佢做壞規矩，以後啲男仔點算？好在我一早求咗婚。」