林敏驄睡衣Look爭視帝 龔嘉欣留「后」患 新劇硬食炮灰檔

無綫花旦龔嘉欣主演的新劇《新四十二章》一波三折，本來被安排在台慶檔期播出，卻兩度被抽起，無緣角逐今屆《萬千星輝頒獎典禮》，令她今年只得一劇入圍，未能躋身視后10強。近日再有新消息，指《新》劇將於1月30日晚上8點半播出，被安排在有「炮灰檔」之稱的農曆新年期間播出。

新劇由「台慶檔」淪為「炮灰檔」，網民都為龔嘉欣大感不值，直指此安排間接令她來年爭視后的機會大減，隨時未打先輸，連續兩年都無望封后，網民留言抱不平：「這部去年本來奔着封后去的」、「龔嘉欣輸得好慘」。

另外，無綫台慶頒獎禮明日在電視廣播城隆重舉行，視帝大熱絕對是林敏驄和陳山聰。本報聯絡上林敏驄，問他是否已準備好「戰衣」？他認真表示：「未喎！我乜都唔知喎！都冇人正式叫過我出席，我到依家都冇收到任何人通知！」記者事後聯絡台慶頒獎禮監製陳金勝，問到是否沒有人通知林敏驄出席？他表示：「已經搵過！」由於林敏驄不是無綫藝員，故並非由藝員部經理人通知，程序上理應由節目部方面通知，再問陳金勝節目部是否已有人通知對方？他又說：「總之我嘅答法係之前搵咗喇！」

記者就監製所說告知林敏驄，他說：「冇人搵過我，我連監製姓乜名乜都唔知，我連劇集AA都問過，都話冇人正式通知過！之前我喺記者會都講過，我唔係隨傳隨到，咁你都要講番個遊戲規則係點畀我知，我又唔係你員工，又冇話要參加比賽，場刊又幫你影埋，咁幾點要出席、化妝、服裝，到時做乜都要有人話我知啩！」記者之後再問他會否出席頒獎禮，他說：「啱啱有高層打嚟邀請我出席，遲就遲咗啲，唉！溝通嘅嘢成日都會出錯！成件事我都係幫朋友，撐番套劇同劇中拍檔啫！大家拍得咁辛苦，有時間咪求其着套睡衣去撐吓屋企人囉！」