袁澧林受前輩啟發

「文青女神」袁澧林與導演張婉婷分別公布入圍名單，對於影后競爭激烈，袁澧林表示睇好張艾嘉：「舊年同佢合作過一套電影，非常崇拜佢，相處嘅兩個月入面，感覺到佢對藝術嘅熱誠，對電影亦好有心，呢方面好啟發到我。」拍戲期間，對方在現場狂睇劇本，她說：「幫好多新導演睇劇本，一年睇廿幾個，仲話就算開頭幾頁唔吸引都會睇晒，我好佩服佢嘅熱誠，身體力行表現出對電影嘅喜愛！」並期望對方繼金馬獎後再奪影后。