李佳芯拒收兵：呃唔到自己

李佳芯（Ali）於無綫劇《有種好男人》的喊戲獲網民讚靚，她謙稱不擅長表情管理：「我唔想畀太多框框同包袱自己，所以表情管理做得比較差，我有試過喊得好核突，但隨住唔同劇情需要、唔同程度嘅傷感，都要用唔同嘅表情同力度去處理。」提到劇中知己胡諾言不求回報對她照顧有加，問到現實中可曾「收兵」？Ali即自嘲私下性格較Man：「我係好多嘢自己搞得掂就自己搞掂，我唔鍾意煩人，同埋如果知道對方對我有意思，我唔鍾意就會即時出聲，因為我抵受唔到明明唔鍾意，但又要扮鍾意或互Flirt，呢方面我呃唔到自己。」