變收視福將唔敢邀功 「床照」惹遐想 李佳芯：講到鹹片咁！

無綫新劇《有種好男人》演員李佳芯（Ali）、陳自瑤、徐榮、胡諾言、趙希洛等，昨日在觀塘玩雷射槍對戰宣傳，見Ali與陳自瑤相當投入，不停喪笑。劇集被指安排在「炮灰檔」聖誕期間出街，但收視力壓台慶劇《輕．功》，Ali說：「冇贏輸嘅，但係都開心，辛苦都值得。第一次聽『炮灰檔』都覺得唔係，聖誕節一家大細睇，反而有助收視。」網民認為收視好歸功Ali，她揚言不敢當，反指是台前幕後的努力。

另外，Ali劇中海棠春睡時回眸一笑一幕，令網民大為心動，她笑說：「你哋唔好成日幫我加啲名，講到好似鹹片咁，我係拍正經劇㗎！嗰下只係啱啱瞓醒啫！」又笑言有好好保養住真實年齡28歲，最重要是心態，問到現實中可有像劇中胡諾言角色的男閨蜜？她說：「都好想有，有朋友、知己、好姊妹，但唔知係咪去到閨蜜呢種。」

陳自瑤以養眼的運動Top現身，自言是配合活動主題，談及新一年新開始即在社交網派「床照」福利，更被誤會真空上陣，她說：「只係想影個感覺，唯美感。（有冇更性感嘅相？）啲相係之前影落，有好多仲未出，不過都打晒底，好似好性感，但其實冇嘢睇。」問可有興趣出寫真，她笑說：「未入行前做Model，所以都好鍾意影相，覺得影相同演戲一樣，可以演繹唔同嘅自己。寫真有冇人睇呀？諗吓！」