昔日東方陳山聰劉穎鏇 情侶檔收復失地
陳山聰與劉穎鏇（Tiffany）於無綫劇《超能使者》的情侶CP相當受歡迎，昨終於有機會「合體」搵真銀，到西環為洗車屋擔任剪綵嘉賓。山聰開心笑說：「2023年有個好兆頭，除咗剪綵外，我哋仲一齊開緊文偉鴻新劇。第4次合作嘞，不過今次對手戲反而唔多，我扮演重案組探員，佢係我下屬。」
再次水着上陣
山聰打趣希望將疫情3年失去的外快，一次過賺回來：「大家有興趣，不妨搵我哋兩個。（想代言啲乜？）乜都得，我哋演過父女，又扮過情侶，搞笑嘢、家庭、運動用品等都適合。」談到新劇的準備工夫，他說：「除咗要打，劇情好多關於查案，對白好多，講嘢講到聲沙，同埋我仲有踩Roller嘅戲，呢樣嘢我唔識，細個踢波同踩單車多，所以要即刻搵教練惡補。」
Tiffany聞言即主動請纓做教練：「之前拍劇我學過，可以教吓你。（你學嘅時候有乜感覺？）驚！因為生得較高，好彩冇受傷，只係跌瘀咗。」她又透露新戲內踢腿戲多：「真係要拉多啲筋，同埋比較多埋身打鬥場面。我有跳水戲，呢樣比較擔心。（會再着泳衣？）會啩，跳水用嘅泳衣未揀。今次對我嚟講好大考驗，因為劇情交代我係跳水專業。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
