餐廳結業被追債 姚亦澧：只佔10%股份

藝人姚亦澧與友人年前夾份開設餐廳，最終敵不過疫情於去年結業。近日有人於社交平台向他追債，令他大感無奈！他坦言：「本來想轉型學吓做生意，我都只係佔十個巴仙股份，管數亦唔係我負責。依家進入咗清盤程序，好多嘢都唔郁得。追我嗰個係貨源供應商，成條數萬零蚊，佢鬧我係騙子，甚至私訊我身邊啲朋友。生意歸生意，唔係我個人嘅問題，所以都搵緊律師睇吓點澄清。」