主演劇《一舞傾城》 趕後期出街

由王晶監製、被指是豪華版《華燈初上》的新劇《一舞傾城》，由楊明、蔡潔、陳法蓉、姚子羚及傅嘉莉主演，雖然楊明因不小心駕駛罪被判入獄，但劇集映期未受影響。王晶昨日回覆本報，指正在為後期趕工：「《一舞傾城》應該喺今年上半年播，無綫方面睇過好鍾意，依家做緊分集，因為之前拍得長咗啲，希望比20集多少少。依家做緊後期工作，做完之後交畀無綫，睇佢哋幾時播。（你點睇楊明單官司？）解決咗咪好囉，希望佢以後發展得更加好。」