踩入影圈搵JW做阿媽？ 姚焯菲新西蘭留學 暫別歌迷

去年差不多有一半時間在休息的吳業坤坦言今年要發力：「希望歌迷重新接納我，依家開通晒所有嘢嘞，趁呢個機會再衝過，已經同唱片公司傾晒做音樂會同唱片。（勤力工作養家？）想搵奶粉錢，係健身嗰啲奶粉咋。」

另外，Chantel昨午與鍾柔美（Yumi）出席活動搵真銀，提到早前被指偕同家人到新西蘭「探路」，意欲出國留學，Chantel終承認會暫別歌迷：「計劃中，未知幾時走，走前一定會話畀大家聽。我自己一個去新西蘭，中間會返嚟嘅。（諗住讀邊科？）應該係Business或者時裝。」而身為Chantel好姊妹兼同屬組合After Class成員的Yumi，當知道對方的決定時大感不捨：「我本身都未去過新西蘭，有時間放假會飛過去探你。」Yumi亦正準備中五校內試，故前晚未有外出倒數，她說：「要溫書。（你有冇諗過出國讀書？）應該要諗，我唔捨得，想留低。（有信心考到大學？）信心要有。」TVB對於旗下藝人Chantel到新西蘭留學，指若對方要錄新歌的話，可於外地錄音，學業、演藝工作可以兩兼顧。