汪明荃遊日返港確診

無綫鎮台之寶汪明荃近日趁防疫措施放寬，偕老公羅家英飛往日本東京旅行，連日分享旅遊照與網民開心Share，他們既到輕井澤觀賞著名的白絲瀑布，又享受溫泉及參觀寺廟，之後再到朋友家中打邊爐，玩得相當盡興。不過，汪明荃回港後不幸確診，連帶原定本月6日及8日演出的粵劇《紫釵記》也受影響，主辦單位宣布延期至4月24至26日公演。去年底曾染疫的羅家英講到太太的情況：「佢睇咗醫生，冇咩大礙，只係比較攰，要休息多啲！」