何依婷下廚倒胃口江嘉敏邀做煮「地獄式」減肥

藝人江嘉敏、何依婷與何廣沛昨日出席無綫飲食節目《做節必食18道菜》記者會，3人即場跟大廚炮製賀年菜，不過依婷就全程負責遞咪，又被爆拍攝時不慎燙傷手。

依婷表示今次是首度拍攝飲食節目：「好開心，冇諗過鏡頭前後都係咁多嘢食，我食到條褲唔啱着爆鈕。」她透露有在節目上幫忙切食材，笑言留指甲很重要，因為指甲曾為她擋刀，令她免於切傷手指，問她是否甚少下廚？她坦言：「以前喺外國讀書經常下廚，但煮得太難食，完全唔想食，我由外國讀完書返香港，媽咪見我瘦咗咁多勁心痛。」江嘉敏得知地獄廚神在身旁，即笑說：「我可唔可以請你嚟我屋企煮嘢畀我食？我想減肥，哈哈！」並自嘲一直處於減肥狀態，無奈公司太疼錫她，經常安排她拍攝飲食節目。

何廣沛頂硬上食蟲

至於何廣沛自爆要在節目中食蟲：「我同工作人員講咗我唔食榴槤，咁當日係冇榴槤，但就要食蟲，我學識下次要講唔食榴槤同蟲。」他笑言拍攝時猶豫了10分鐘才把蟲放入口，工作人員催促他們快點吃，否則不能收工！