鹽水洗頭 自毀靚樣 王丹妮難抑恨意 圖當場處決情敵

談到片中對子妤滿腔恨意，王丹妮直指一場探監戲中，她簡直想將對方置於死地：「想撲過去扼死佢！喺嗰短短幾分鐘，觀眾會感受到仇恨有幾深。（鏡頭以外都唔講嘢？）拍之前特別隔開，想Hold住個情緒，所以一埋位好有火花。」角色長期處於崩潰狀態，為免帶着負面情緒回家，她每日收工都狂食發洩。她透露老公羅孝勇亦有份參演，不過沒有對手戲：「有時見到同一日開工感覺好得意，我哋試過喺場地一齊食消夜，之後等埋佢返屋企，有機會當然想真正合作啦！」

至於子妤則演名門千金，每次出場都打扮得高貴得體，她表示：「戲入面好多名牌衫贊助，好想拎返屋企收藏，但工作人員話唔可以，好彩着住啲靚衫時影咗好多相。（演有錢太太難唔難？）真係要學，拍之前一個月，成日着住高踭鞋行嚟行去，又練習飲酒要點樣揸杯。」而栢天男演子妤的入贅老公、王丹妮的情人，他指現實中未試過一腳踏兩船，問到若遇上白富美，會否接受入贅？他尷尬表示：「我係想要溝通到嘅對象，重點係緣分，但我未遇過。」