謝君豪重遊舊地回味「天堂」

無綫新節目《回家》即將推出，每集邀來不同嘉賓，以單元故事了解他們成長的各個公共屋邨，讓大家回味「屋邨人情味」。首兩集以謝君豪及森美打頭陣，其他嘉賓有黎耀祥、黎諾懿、韋家輝與韋家雄兩兄弟等。謝君豪在彩虹邨長大，今次重返與昔日舊居類似的單位：「呢度當年係天堂嚟喇，當你由劏房搬嚟呢度，又有自己廁所、廚房，仲唔係天堂係咩？」而森美則於葵盛西邨長大，他笑指成條邨都係「自己屋企」，又大爆自己的頑皮史。