食得有營：黃嘉雯放假夠克制 主攻魚肉

黃嘉雯平日工作時吃東西會隨意點，反而放假會食得有紀律，她說：「早餐、午餐都食得好隨意，下午會食得清少少，係夜晚會盡量食少啲碳水化合物，食多少少肉。雖然自己好鍾意食飯，但都會規定兩、三餐裏面只能夠食一餐澱粉質；肉方面會多啲食雞肉、魚肉，魚肉有好多好嘅脂肪，最緊要唔好食咁多肥豬肉、肥牛，打邊爐就最易出事，肥膩嘢盡量食少啲。」

註冊營養師（澳洲）劉嘉豪則認為不少人發現假期後體重增加或體形有變，就以為是食得過量所致，但其實是謬誤：「唔係因為食多咗，而可能係因食物重鹽分，導致出現水腫，所以要飲足夠水分去稀釋多餘鹽分，體重就會還原。」不過他建議不要在假期後立即減食量，要慢慢調節餐單讓腸胃適應，否則易引致消化不良出現胃痛或胃酸倒流。