張敬軒平安夜賣大包 唱到12:50am

張敬軒（軒公）前晚在演唱會上與歌迷共度平安夜，甫開場即派大禮：「大家放心交畀我！會展話唔收加時費！」經常送他搞鬼禮物的男歌迷又有新搞作，整了一把尖叫雞加雞毛掃的弓，上面寫着「軒弓一發射全心」，引得全場大笑，軒公笑說：「你嗰隻雞仲冇晒毛，其實鵰同雞你識唔識分……我好想自己係觀音菩薩，有個葫蘆可以收咗你！」又自爆「加拿大」位置爆衫，未知是否多吃了兩舊雞髀，工作人員即衝上台為他整理。