主持送生日蛋糕夏里遜福唔Like

英國女主持Alison Hammond日前於早晨節目《This Morning》中，以線上形式訪問美國男星夏里遜福（Harrison Ford），期間她突然高舉以福伯代表作《奪寶奇兵》（Indiana Jones）做主題的生日蛋糕慶祝他80歲生日，但卻搞到他木無表情冇反應，場面極尷尬！

她說：「今年你80歲生日，我好抱歉錯過你嘅生日，好對唔住，送唔到禮物畀你，我向你道歉。」之後她拎出一個蛋糕說：「不過，唔緊要，我有蛋糕畀你。我唔能夠相信你今年到咗80歲。」不過，福伯似乎對收到生日蛋糕唔多開心。之後Alison問他如何慶生，福伯寸爆回應：「我嘗試唔好理佢。」片段播出後即惹來大批網民討論，更形容這個訪問是「大災難」！