張敬軒收紙紮獎座 百無禁忌照High

張敬軒前晚舉行第3場《REVISIT》演唱會，曾送紙紮品給他的歌迷再獻新猷，在個唱上送紙製的「我最喜愛的男歌手大獎」，雖有「大吉利是」的感覺，不過難得張敬軒百無禁忌，「領獎」後笑住發表感言：「多謝聖誕流流送個紙紮品畀我，你知唔知將佢放喺西營盤專門賣紙紮用品嘅舖頭，真係毫無違和感。好靚，我會放喺我嘅Studio，多謝你！」相當「玩得」的他眼見群情洶湧，一度高舉「獎項」，又說無論今年是否有機會上台攞獎，都會當自己已得獎，因為個唱和頒獎禮的觀眾人數相若。