古天樂未敢外遊

古天樂前晚在頒獎禮上獲頒「年度風雲人物」獎，他表示十分開心，證明努力沒有白費。談到新年願望，他希望疫情早日過去：「就算未過，都希望防疫措施鬆一鬆，想出去玩吓，但父母年紀都大，如果喺外地中咗就麻煩，又怕有併發症，都係等疫情穩定啲先。」他自爆不少朋友第二次確診，故做足防疫措施，問到在家會否戴口罩？他說：「睇情況，有時突然咳一聲，我都擔心，咁咪戴番口罩，但始終全家一齊食飯，好難成日戴。」