紅館3年來首爆滿 陳奕迅瞓身感受幸福

連唱29首歌後，Eason介紹樂隊成員，有觀眾大叫：「抖下先！」怎料觸動他的「電掣」，突然「神鬥志」爆燈，笑說：「我唔係抖呀！唔使抖呀其實！嚟啦！跳！」而演出連日吸引大批圈中好友捧場，包括容祖兒、余文樂、高海寧及李佳芯等，當中祖兒在台下興奮紮紮跳，又到後台打卡。

有網民前晚騷後在紅館門外，拍得Eason與太太徐濠縈及女兒康堤（包包）的溫馨場面，見包包離開前主動擁着爸爸來個Goodbye Hug，就如Eason歌曲《單車》一樣「難離難捨想抱緊些」，但徐濠縈看着他們兩父女手指指搖頭，其後Eason揮手道別，依依不捨地看着她們登車離開。

另外，大會前日開賣個唱餘下14場的1萬5千多個「放寬位」，1小時便全部售清，雖然大多數門票座位都是「山頂位」或「一人之境」，但無阻歌迷秒殺，非常誇張！