老公精子唔合格 江若琳等足4年收大禮 宣布佗B

女星江若琳與蕭唯展結婚後一直享受2人世界，在聖誕節前夕、結婚4周年的好日子，昨日她發文宣布懷孕喜訊：「今日係我哋結婚4周年，我哋得到咗一份渴望好耐、又彌足珍貴嘅聖誕同結婚周年禮物。我倆等待你嘅出現足足4年啦。」她表示一直以為生小朋友是理所當然的事，但這些年經歷過嘗試和失敗，本已「半放棄」，沒料到卻迎來喜訊：「人生就係一個充滿驚喜嘅旅程，但當你選擇放下放輕鬆時，聖誕老人就會喺一個最美好嘅時間點，將你最想要嘅禮物送畀你！」

江若琳透露有疲累、反胃及嘔吐反應，接受本報訪問時說：「當我知道嘅時候有啲唔敢相信，因為我哋不斷喺失敗中徘徊，每一次都係失望，所以今次見到係兩條線，都有一刻懷疑自己係咪中咗Covid。」她憶述當時腦海一片空白，而老公第一個反應更是眼濕濕：「然後佢不停同自己講要冷靜，但其實我知道佢相當唔冷靜。」她又透露預產期為明年中。

即將做爸爸的蕭唯展難掩興奮，直指心情如美斯奪世界盃：「結婚4周年，身體健康、夫妻和睦冇乜鬧交，多謝老婆。努力咗4年，試過好多次失望。醫生話雖然我靚仔，但精子唔合格，好難有BB。但係我習慣咗只要有夢想，凡事可成真嘅理念。」他戒煙及跑步做運動後，現時終於得償所願。