林子善慶幸冇「仇家」 劉穎鏇怕面懵 爭女配預咗陪跑

藝人劉穎鏇（Tiffany）、林子善、馬貫東及戴耀明等，昨日現身《萬千星輝頒獎典禮2022》「最佳男、女配角」10強候選人會晤傳媒活動。Tiffany與子善同憑劇集《超能使者》獲提名，她稱有份入圍已經很開心，由於對手太強，故對捧獎信心不大，並指無論誰人得獎都是實至名歸，會戥對方高興。她又表示不敢在社交平台過分拉票：「人哋會睇你嘅作品去判斷投邊個，我盡力而為，都會叫吓身邊朋友同家人投票，但我會覺得好尷尬。」

而子善自言沒信心獲獎，但就對Tiffany有信心，他指今年賽果全靠觀眾及幕後投票，笑言幸好平日不會麻煩幕後工作人員。而相比起個人獎項，他更想《超》劇奪劇集獎及組合獎。

至於戴耀明與馬貫東分別憑《青春不要臉》及《愛上我的衰神》入圍，戴耀明指今次是入行32年來首度獲提名，心情興奮得似小朋友過農曆新年，但笑言：「完全冇信心攞獎，阿媽有幫我拉票，我叫佢講9號，點知佢講錯19號！」首度角逐男配的馬貫東則坦言恨攞獎，但覺得太多強勁對手。