姚焯菲約齊《聲夢》好友開P

《聲夢》歌手姚焯菲昨日以露腰毛衣配短褲出席活動，青春滿瀉！她自言很懶，甚少做運動：「只會睇片跟住做10分鐘運動，都有打吓籃球同羽毛球，但唔叻，我做得最多嘅運動係跳舞，記得比賽時由下午5點練到夜晚12點。」她自覺舞技已進步不少，自嘲以前手腳唔協調：「睇番以前啲片，會覺得點解自己跳成咁！」聖誕將至，她計劃約齊15位《聲夢》學員出來慶祝，希望交換禮物，因為很久沒有送禮物給大家。