陳煒爭視后 靠老公打人情牌

藝人陳煒與林夏薇前晚出席畫展，問到平日有否請老公陳國強做模特兒讓她練習畫功？陳煒笑說：「寫真？哈哈！唔會，冇時間。」她有份入圍《萬千星輝頒獎典禮2022》角逐「最佳女主角」，問到可有信心？她說：「盡晒力，劇集已經出咗街，做得好唔好已經有定數，但想提醒番啲觀眾，所以要不停宣傳，記得投我票呀！」並指老公亦有幫忙拉票：「向好熟嗰啲病人拉票囉！」問到老公是否會為她影泳衣相宣傳？她解釋之前並非為拉票而刻意拍泳裝照：「嗰間酒店個泳池出名靚，老公話唔好嘥，其實係影畀佢自己睇！」