爆前夫性格突變 拒絕談判 莊鍶敏決不放棄做人母

Jacquelin透露是應對方暗示而提出離婚：「佢會提出啲我做唔到嘅要求，例如叫我去台灣住。加上相處同溝通時，佢變得好冷淡同容易發脾氣，傾偈時感覺到有問題，我就問佢係咪想（離婚）。」問到可有想過飛去台灣找對方挽救婚姻？她無奈地說：「我有提出不如過去台灣同佢傾吓，大家面對面討論，但對方話唔需要，叫我唔使過去。佢都話唔使，如果我夾硬過去，咁我會唔會見到我唔想見嘅嘢？」

這段異地婚姻，Jacquelin自問有盡力維繫，亦有付出過：「之前未封關我飛咗40次台灣，連入境處都問我做乜飛到咁密，只係2021年台灣唔接受任何入境申請，到2022年開番，我即時申請過去。」她否認當初是為結婚而結婚，但承認決定得有點倉卒，說時不禁拭淚：「當時以為靠遷就就可以得到長遠關係，我太相信佢一開始嘅承諾。（有咩領悟？）應該要相處耐啲先決定結唔結婚，兩個人要理念一致，唔可以為遷就對方而唔坦誠講出自己想法。」她坦言今次經歷當上了一課，但不會為此後悔。

經歷過婚姻失敗，她直言對異地戀怕怕，若有得選擇，絕不會再挑戰，但講過想生小朋友的她表示想做媽咪的心態不變：「依家諗係咪要雪卵。（依家雪係咪太遲？）咁算啦，我可以領養，小朋友唔一定要自己生，就算唔係親生，但由你養育，都可以好錫佢。」