七仙羽教林希靈生B秘技

玄學家七仙羽（七師傅）與藝人林希靈昨日為HOY TV節目《開運秘笈》進行拍攝，林希靈即將與陳安立結婚，有份參加婚宴的七師傅大讚陳安立嫁得過，更親證他絕無「偷食」：「曾經以為佢單身，介紹過女仔畀佢，亦有好多女藝人對佢『嗒糖』，但佢全部唔要仲發爛渣。」隨後師傅又教他們生B秘技，期間問希靈「依家有咗未？」、與陳安立「一星期幾次？」場面尷尬又搞笑。她透露來年北方旺生B，教他們要床頭向北，叫陳安立要養精蓄銳，留待適當時機出擊。