Cloud自信靠個樣食胡泳兒嚴選戰衣性感襲頒獎禮

歌手泳兒（Vincy）與雲浩影（Cloud）昨日到電台為音樂大獎揭曉獎項。近日天氣嚴寒，Vincy卻以一身露背裙現身，她笑言並非為貪靚而冒險：「本身冇諗住咁多窿㗎！但屋企得呢條裙比較襯個活動，我貼咗暖包喺件褸度。」臨近頒獎禮，Vincy表示正物色戰衣出席，笑指造型師想她挑戰更大尺度，問到是否對自己的背脊最有信心？她說：「我背脊其實未Ready、未夠白滑。」她指性感沒有問題，感覺健康而不是暴露便可。身旁的Cloud亦表示贊同：「最緊要睇落健康，唔影響我身體健康，我暫時係個樣Ready，哈哈。」

提議聖誕交換廢物

聖誕將至，Cloud表示會與家人及男友簡單食飯慶祝，但一想到交換禮物便煩惱，Vincy即教路可交換廢物：「唔好嘥嘛，不過千祈唔好喺自己屋企搞，如果唔係交換完啲嘢會留晒喺你屋企。」Cloud笑指這種另類交換禮物方式非常適合她：「我屋企好多廢物，有把鈍咗嘅刀可以攞嚟交換。」