「想要閃啲嘅嘢」 岑麗香收禮求實際 聖誕「飾」心起

昨日岑麗香（香香）、鍾舒漫、李靖筠、陳爽、吳嘉禧、杜以辰、馬詠茹及馮榕榕等，盛裝出席六福珠寶及香港賽馬會舉辦的「六福珠寶賽馬日」，星光熠熠。

香香穿上粉紅晚裝配鑽飾上陣，高貴大方。她表示最近將「腦力」集中於選購聖誕禮物，但要求老公送禮就十分實際：「我會好坦白咁講想要乜，我唔會等驚喜，尋日係我哋結婚紀念日，佢送咗個瘦臉機畀我，至於聖誕禮物我就想要閃啲嘅嘢。」問到如何慶祝結婚紀念日？她稱只簡單食飯，老公及小朋友有寫卡送她。她又稱聖誕節有重大挑戰，因以往都是到長輩家食飯，今年她會負責招待十多人到家中作客：「我諗住挑戰焗火雞，都有壓力，因為我唔係好叻，至於其他菜式就未諗，或者每位客人可以帶一個餸。」

鍾舒漫以低胸上衣襯西裝到場，她笑言走型格路線，若論性感，自己則要靠邊站。講到收藏珠寶首飾，她坦言有一點點，部分是母親留給她，可算家傳之寶。她透露現忙於拍攝劇集《打天下2》，大讚同劇演員Anson Kong可愛，唱跳俱優，希望跟對方在音樂上合作。

而李靖筠穿低胸高衩裙騷長腿，她自爆本來準備了「虧佬褲」，但忘記要穿高衩裙，故無用武之地，又笑言自己也有性感本錢，將來可行性感路線。提到聖誕，她稱會跟男友在家中打機度過，一定要打爆機才罷休！