Edan剝牙變倉鼠：腫到傻豬咁！

向來冇偶像包袱的MIRROR成員Edan，剝完智慧齒後面腫腫，即自拍上網開心Share：「話說……我前排……剝咗智慧齒……Who Are U？剝咗兩隻，有一隻分咗兩半，腫到傻豬咁，腫咗成個星期。」見他一邊面圓到似倉鼠，網民大讚可愛：「雖然認唔到你係邊位，但多謝你同你嘅智慧齒為世人帶嚟歡樂呀！」他亦自嘲：「終於做到呂總，真．呂腫。」隊友Jeremy留言：「誇張，我塊面完全冇咩腫。」Edan抵死回應：「因為本身都……」被網民取笑又衰又Mean，而Jeremy則留下刀仔Emoji回敬：「你繼續嘛！」網民紛紛「食花生」叫他們打過！