Ian分身乏術 開劇前焦慮 林愷鈴練大隻 預告水着上陣

Ian、柯煒林、林愷鈴及女團COLLAR成員沈貞巧昨日參與MakerVille原創劇《冰上火花》開鏡拜神儀式，當中「星二代」林愷鈴飾演泳手，近幾個月積極做運動，笑言大隻不少，並預告將要在沙灘拍落水戲及首度在幕前穿泳衣演出：「作為演員要叫自己唔好介意着咩戲服，希望着泳衣着得自然啲。」

至於Ian則透露昨日是首天正式拍攝，自爆有點劇前焦慮：「呢套劇要拍幾個月，我中間有好多工作，諗住會出歌，擔心拍劇影響到其他工作，所以都需要時間去適應。」他在劇中飾演冰上曲棍球手，問到會否擔心受傷？他說：「我以前冇溜過冰，個幾月前開始學習，唔小心整瘀咗，但到正式拍攝會有頭盔同護甲，所以好安全，亦唔怕整傷塊臉。（依家練成點？）冇咁似企鵝，希望睇得吓，我盡量唔想用替身。」

早前甩拖的Ian，被問到今年要過寂寞聖誕，他反問：「大家會唔會想同我一齊過？我相信聖誕會喺拍劇中度過。（依家專注工作？）就算有冇拍拖，一直都專注工作。」

對於歌曲《留一天與你喘息》入圍「叱咤樂壇我最喜愛的歌曲」10強，他表示以平常心看待。

此外，柯煒林之前練習冰上曲棍球時不慎弄傷左眼眉骨，他表示已經康復，但導演反而覺得眉上疤痕跟角色很配合。