摸Pet Pet：領養金毛BB當中獎 黎紀君愛犬處處求歡 火速謝皮

「甜心女神」黎紀君（Christy）半年多前打算為歲半大的貴婦犬Blossom找個伴，在緣分安排下遇到7個月大的金毛尋回犬Rafa，她笑言當中了六合彩，皆因男友早已期望可飼養此品種：「收養前男友仲話想要BB，我就叫佢死心啦，因為健康嘅金毛尋回犬BB唔會冇人要，點知幫Blossom剪毛嘅姐姐急Call我，話有隻金毛BB想搵人要。當時我即刻飛撲去見佢，一見就鍾意！」問到Rafa被棄養的原因？她指據說是上一任主人的女兒對毛髮過敏，加上Rafa當時因飲食問題致腸胃不適、四處便溺，其主人就決定轉送他人。