獲批來年事業愛情起雙飛姚子羚向北搵姻緣抗拒小鮮肉

姚子羚昨日拍攝新春節目獲贈言來年運程，被批事業與姻緣同樣面向北方，問到早前在內地拍劇時認識的「小鮮肉」可有發展？她卻笑說：「年輕到姐姐都害怕！」

無綫花旦姚子羚與胡定欣昨日在大埔為無綫節目《新春開運王》擔任嘉賓，定欣透露節目中師傅透過測字及所選食物推算運程，指她來年事業運很好，自己亦有工作上的新計劃，但暫時要先賣關子。

而子羚今年先後於內地拍劇《一舞傾城》及《狀王之王》，師傅指其事業與姻緣來年也會朝向北方發展，有機會再到內地工作。講到早前在內地拍劇時認識的新朋友，可有新發展？她即笑說：「佢哋太年輕，年輕到姐姐都害怕，可能佢哋都害怕，太細個喇，得廿幾歲，但係都好開心有機會認識啲年輕人。」問到可會抗拒異地戀？她說：「冇諗咁多，北方可以去到俄羅斯咁遠，或者北京人在香港都可以㗎！」定欣在旁即說：「佢去到落地生根，就唔係異地戀啦！希望佢有好嘅緣分。」

胡定欣唔敢拆Bob招牌

對於北方有利子羚姻緣，定欣則自嘲不敢揀方位：「我就唔好再有任何定位喇！」提到「投訴」金牌媒人林盛斌（Bob）到年底也交不出「成績」後有甚麼回應？她笑說：「我話唔可以再喺我嘅訪問提佢咁多，佢見報率太高，已經超越咗我！」又指並非要拆Bob招牌：「佢都有睇報道，話會再畀心機喎！」