葉振棠日日挑戰張學友

葉振棠會獻唱首本名曲《大內群英》及《忘盡心中情》，兩首歌分別是麗的電視劇集《大內群英》及無綫劇集《蘇乞兒》主題曲，他分享兩首歌的小故事：「記得我錄《大內群英》嘅時候仲係夾緊Band，喺酒店唱英文歌，當時見到首歌嘅旋律好簡單，擔心唱起嚟會好老土，但經過編曲，首歌變到好有氣勢，所以一首歌要多方面配合。後來我由麗的轉咗去無綫，顧嘉煇話有套劇集主題曲要我唱，可以話係度身訂造，呢首歌就係《忘盡心中情》，我好夠運，到今時今日呢首歌去到世界各地都係最受歡迎，唔唱落唔到台！」現年78歲的棠哥唱歌仍然中氣十足，他認為要唱好歌全靠「曲不離口」：「我每日都會練兩個鐘頭歌，唔係淨係唱自己歌，咁唔會有進步，我會搵啲我覺得難唱嘅歌去挑戰，例如張學友嘅歌。」