陳嘉慧出盡奶力 被嫌冇料到

陳嘉慧（Erica）於無綫劇《法證先鋒Ⅴ》一改「陽光少女」形象，飾演偏激社工，擅長打拳兼疾惡如仇。Erica拍攝打鬥戲時拳拳到肉，睇得又打得，不過笑言拍攝時多次被對手嫌不夠力：「我每一拳都用盡吃奶之力，但佢哋依然話唔痛，係咁叫我畀啲力，我驚會打死佢呀！其實我真係畀咗好多力，但佢哋依然叫我畀力。」她笑言現實中很溫柔，絕不似劇中兇狠。