袁偉豪沖咖啡冧粉絲

藝人袁偉豪（Ben）與張寶兒日前到新加坡為《第27屆亞洲電視大獎》擔任頒獎嘉賓，之後他們逗留當地與粉絲舉行見面會。當日共有60位粉絲出席，Ben更親自沖咖啡給他們，真的甜到入心！期間兩人與粉絲傾偈回答他們的問題：「佢哋好好，好支持我哋，啲Fans嚟咗好多次酒店搵我哋，所以今次之後大家都好唔捨得，希望疫情後可以再搞一次。」問到會否逗留多一些時間或轉到其他國家繼續旅遊？寶兒笑言：「我都想，我好鍾意旅行，不過Ben要返嚟拍《豪遊咖啡》，之後睇吓有冇空檔先！」