失婚莊鍶敏心情平復：要開心啲！

莊鍶敏、姚子羚及林子聰等前晚參與無綫遊戲節目《開心無敵獎門人》錄影，一身聖誕女郎打扮的鍶敏心情不俗：「都OK，今日嚟遊戲節目要開心啲。要處理嘅事已經處理咗，都接受咗，只係初時事件來得太快，有啲迷惘，依家OK。（係邊個提出？）可以話係對方。（難接受？）因為太快，而且冇先兆，不過過咗去唔好講，展望將來。（離婚原因係咩？）三觀不合，生活方向、價值觀同想法唔同。（佢反口唔搬嚟香港一齊住？）呢個係主要原因，呢個係涉及相處時間。（同第三者有冇關？）我就冇，佢我唔知，但相信冇。」