唔想偉仔係老竇 梁超怡大個女 做情侶都得

曾於電影《無間道》飾演梁朝偉女兒的港姐季軍梁超怡，前日聯同導演劉偉強、電影公司老闆林建岳等出席該片20周年特典場。談到當年只有6歲與偉仔大演對手戲，超怡不諱言至今仍然難忘，她說：「記得有場戲係朝偉哥哥搣我塊面，當時要NG好多次，係好痛，但其實我係好享受呢個過程，相信好多人都好想畀佢搣，所以嗰陣覺得自己好幸運，但拍完之後都冇機會再見到佢。（再見到叫朝偉哥哥搣多次？）唔夠膽，但一定會問佢攞簽名。」更指當年的手袋仔有簿仔及筆，惟因怕醜未敢向他索取簽名，至今大感遺憾。