生得高Keep得好張曦雯炫父羅子溢心靈受創

羅子溢與張曦雯（Kelly）昨日現身代言的美容中心發布會，子溢在廣告中大騷腹肌，Kelly則騷美腿。子溢透露為拍廣告激減近20磅，由叔叔回春變型男：「拍廣告前幾日冇食嘢，只係飲水，覺得自己好似去參加健美比賽一樣。」Kelly表示拍廣告前幾天也有所節制：「唔食鹽、少食澱粉質，同狂飲水。」問到他們覺得有甚麼地方需要改善？子溢稱明顯是身高，跟Kelly拍廣告，自己要企生果箱才高女方半個頭：「係有少少尷尬，冇辦法。」至於Kelly則想改善肌膚狀態。

保持年輕親近女兒

另外，Kelly近日在社交網晒她跟母親的合照，被網民指母女不似樣，她解釋：「因為我似爹哋，細佬似媽咪，所以我同細佬係完全唔似樣。」講到網民讚母親年輕，她自豪說：「我父母真係Keep得好，我爸爸好似子溢咁有六舊腹肌。」子溢即問Kelly父親的身高，Kelly坦言：「爸爸好似高你少少。」子溢笑言很受傷害，他稱期望將來女兒大學畢業時自己仍能保持年輕外貌：「希望將來個女唔好嫌棄我，仲肯拖我手，畀人誤會我係男友就更有成功感。」

而子溢現時正放假，近日他與太太楊茜堯陪女兒去參加學校旅行，並在社交網罕有晒女兒正面照，網友大讚囡囡靚女。